شاباڵی جوانی پێوه بوو

 

ڕازاوه بوو تریفه­ی باڵات

 

ناسیتمه­وه

 

هه­ر ئه­مشه­و له­گه­ڵ به­فر باریت و

 

له­گه­ڵ توانه­وه­ی شه­خته­ی دڵی به­ردو

 

فڕینی ڕشۆڵه­ی سه­ر تیلی کاره­بای ڕێ ،

 

پاڵتاوی کزیت فڕێ داو

 

وه­ک خۆر

 

له ناو خه­ونمه­وه قنج هه­ڵاتی!

 

ده­تناسمه­وه ،

 

 وه­ره­

 

به رێگا­ی پاییزا مه­ڕۆ

 

نابینی دار هه­نار شه­هیده­ و

 

سێو له دوری کاڵ بوه­ته­وه ؟

 

وه­ره

 

ده­ستی حه­زێکی سورباوی شه­وانی ته­نیاییم بگره

 

له­خه­و ڕاچڵه­که­و

 

له­گه­ڵ باوێشکی ئاسماندا سپی به­و

 

بباره !

 

 بباره

 

وه­ک ئه­ستێره به سه­ر زه­ویماو

 

هه­ڵاتنی له­دایک بوونی من

 

له­م شه­وه­ی بێ ڕۆژدا ببینه!

 

ئه­ته­وێ ببمه سه­هۆڵی درێژ بووی ژێر پاساری بێکه­سی

 

 هیچ ڕێبوارێک

 

 ڵووت به­ سێبه­ری چاوه­ڕوانیه­کانما نه­هێنێ؟

 

ده­زانی

 

هه­واناسه­کان وشکه­سالیتیان پشکاندووه

 

من وه­رزێکت ده­ناسم

 

پڕه له ئاوی سه­ر کۆڵمی گه­شی حۆریه­کان

 

بۆیه منیش به نیازی ڕامووسین

 

ده­ستی سه­ودای بۆ هه­ڵدێنم!

 

وه­رزی من پڕه له سه­ودای بێ تۆیی

 

ئه­گه­ر هاتی

 

ڕۆمانی شاری مۆسیقاره سپیه­کانت بۆ ده­گێڕمه­وه

 

      دڵم ده­که­م به قه­ڵایه­ک به ده­وری چی نه­هاتنتا

 

ئه­مجاره­یان چاوه­ڕوانی زه­نجیر ئه­که­م

 

سوێندت بۆ ده­خۆمو

 

تۆش ده­بێ به­فری خۆزگه­کانتم بۆ ڕاخه­ی!

 

 

*  تاسه *

نوشته شده در سه شنبه بیست و هشتم دی 1389ساعت 14:37 توسط عه لی تاسه| |